Imparikna ti Social Security System (SSS) a napateg dagiti pensioners dagitoy babaen iti naipatungpal a Pensioners’ Day Celebration a naipatungpal idi kalman idiay Supreme Hotel.
Kinuna pay daytoy a dakkel ti kontribusyon dagiti pensioners iti nasao nga ahensya.
Impettengna a babaen iti Pensioners’ Day a maipatpatungpal tunggap tawen, agserserbi daytoy kas panangsubalit ti nasao nga ahensya kadagiti pensioners malaksid iti panangipariknada a napateg dagitoy iti nasao nga ahensya.
Maragsakan met ti nasao nga opisyal gapu ta makitana a naragsak dagiti pensioners bayat iti aktibidad.
Inlawlawag ni Cruz a dua ti kategorya wenno klase ti benefits a maalada manipud iti nasao nga ahensya – ti short term benefits a pangtemporaryo a pangkasapulan ken ti long term benefits.
Ti short term benefits ket dagiti sickness benefits, maternity benefits, unemployment benefit, ken salary loan.
Bayat a ti met long term benefit ket dagiti retirement benefit, disability benefit, death and survivor benefit, ken funeral grant.
Kabayatanna, ti nasao nga aktibidad ket naipatungpal kagiddan ti selebrasyon ti 69th anniversary ti nasao nga ahensya no sadino nagbalin a guest dagitoy ti manipud iti Central Office.
Naidiaya met iti nasao a selebrasyon dagiti games, raffle draw, ken dadduma pay. Iti agdama, sigun iti kaudian a datos ti nasao nga ahensya idi Hunyo, dumanonen iti 93,696 ti retiree pensioners dagitoy no sadino 29,423 manipud iti nasao a bilang ket manipud iti siudad ti Baguio. //via Bombo Noveh Organo
