BAGUIO CITY – Agtultuloy ti panangipasigurado dagiti personnel ti Land Transportation Franchising and Regulatory Board (LTFRB) – Cordillera iti kinatalged dagiti pasahero kadagiti parapubliko a lugan kagiddan ti panakaipasidong ti rehion iti General Community Quarantine ken iti panaka-obserbar ti lenten season.
![](https://img.bomboradyo.com/baguio/2021/03/164389745_484558686232974_1332653958405968240_n.jpg)
Gapu iti daytoy, nangisayangkat manen ti LTFRB-Cordillera iti Oplan Semana Santa 2021.
Sinukimat dagiti personnel ti LTFRB-Cordillera dagiti parapubliko a lugan iti nagduduma a paradaan ditoy siudad tapnu maipasigurado a road-worthy wenno natalged dagiti agbiahe a lugan.
Impalagipda pay kadagiti nadanunda a pasahero ti nainget a panagtulnog dagitoy kadagiti health protocols kontra iti COVID-19.
Nasukimat pay ti panagsurot dagiti paradaan iti maikalkalikagum a health facilities ken signages, nangruna ti seven commandments ti public transportation.
Maituloy ti nasao nga oplan semana santa 2021 agingga inton Abril 6.