Dinepensaan ni Veronica Duterte ni Vice President Sara Duterte a kabsat daytoy iti mannarimaan a sansanguenna nga impeachment complaints iti lower house.
Iti maysa nga interview, impetteng ni Kitty Duterte ti integridad ti kabsat daytoy.
Sigun kenkuana, amammona ti kabsatna ken numan pay addu ti maaramidanna , saan a maysa kadagitoy ti agtakaw.
“I know my sister. I know that she can be many things, but she’s not a thief. She’s not dishonest,” sigun kenni Kitty.
Innayon pay daytoy a patienna a mapagbaligian metlaeng ti kabsatna ti sangsangwenna a parikot.
Adda ita ni Kitty idiay the Hague no sadino nakaditene ti ama daytoy a ni sigud a president Rodrigo Duterte.
Sigun kenni Kitty, saanna pay laeng a dinakdakamat iti sigud a presidente ti maipanggep iti impeachment complaints tapno saan a mainayon a panpanunoten ti sigud a presidente. //bombokaren.c.s
