Inruar iti Federal Bureau of Investigation (FBI) ti most wanted list iti krimen a human trafficking, nu sadinno karaman ni Kingdom of Jesus Christ (KOJC) leader Pastor Apollo Quiboloy.
Iti facebook post ti FBI-Dallas, imbinglayna ti ladawan ti uppat nga indibidual, karaman ni Quiboloy a masapsapul gaputa suspek daytoy iti krimen.
Sigun iti opisial a website iti FBI, adda ti warrant of arrest kontra iti pastor nga inruar ti maysa a federal grand jury iti US District Court iti Central District of California.
Maak-akusaran ni Quiboloy iti conspiracy to engage in sex trafficking by force, fraud and coercion, sex trafficking of children, ken bulk cash smuggling.
Kabayatanna, maipalagip a nakemmeg ni Quiboloy iti compound ti Kingdom of Jesus Christ (KOJC) idiay Davao City idi Setiembre 2024 gapu kadagiti kaso seknan iti sexual abuse ken human trafficking.
