--Ads--
BAGUIO CITY – Ado a residente ti maragsakan kalpasan nga impakaamo ti siudad ti panagsubli ti koleksyon kadagiti non-biodegradable a basura a nangrugi ita nga aldaw.
Gapu iti dayta, makidkiddaw ti panagsurot ti publiko iti umno a panagsegregate kadagiti basura.
Naiyunay-unay met a dagiti biodegradable a basura ket mismo a dagiti barangay ti manamngimanehar wenno dagiti mismo a residente.
Nupay kasta, sumagmamano a residente ti mangipekpeksa nga awanan dagitoy iti bukod a compost pit.
Kabayatanna, makidkiddaw ti koordinasyon iti tunggal maysa nangruna iti panangipatungpal iti 10 Rs ti circular economy wenno ti repurpose, recycle, recover, refuse, rethink, reduce, reuse, repair, refurbish ken remanufacture.
