LA TRINIDAD, BENGUET – Kinompirmar ni La Trinidad Mayor Roderick Awingan a dandani nga agleppas ti konstraksyon iti km.5 agingga km. 6 sadiay La Trinidad, Benguet; malaksid laeng kadagiti Street gutter ken sumagmamano pay a matarimaan.
Sigun kenkuana, kangrunaan a maar-aramid ti kalsada iti masakupan ti Pico Junction agingga iti Sacred Heart Chapel.
Impakaammo ti nasao a Mayor a nalpasen ti konstraksion iti inner part ti south bound bayat a saan a nalpas paylaeng ti outer part daytoy.
Impanamnama ni Mayor Awingan a maluktan ti south bound iti kabiitan a panawen.
Posible met a kiddawen ti nasao nga opisial iti Department of Public Works (DPWH) nga isardengda paylaeng ti konstraksion agingga nga agleppas ti Cordillera Administrative Region Athletic Association (CARAA) Meet 2026.
Kabayatanna, kidkiddawen ti Mayor kadagiti motorista ti kananayunan a pasensya ken aramatenda ti Alternate routes, nangrunda dagiti addaan iti importante a papanan.//mp4
