Impaganetget ti Palasio Malakanyang nga awan ti krisis iti suplay ti petrolyo iti pagilian.
Nupay kasta, mapaspasaran ti price disruption nga intuntunda ti tension sadiay Middle East.
Sigun kenni Palace Press Officer Usec. Claire Castro, ar-aramiden ti gobierno dagiti amin tapno masigurado a saan nga agkurang ti suplay ti petrolyo ken taraon iti pagilian.
Kabayatanna, nakasagana dagiti ahensia ti gobierno kas iti DOE, DA, ken DSWD tapno mangipaay iti tulong ken tapno masiguradu a saan a marikna dagiti Pilipino ti kinakurang.
Iti baet dayta, inaklon ni Usec. Castro a saan a maliklikan ti epekto ti krisis sadiay Middle East.
Gapu iti dayta, kidkiddawenna ti panagtitinnulong ken panagtipid no kasapulan.
Mainaig iti dayta, imbinglay ni Castro nga adda ti negosasyon ti DOE para iti 440,000 a bariles ti gasolina.
Manamnama metlaeng ti 600,000 a bariles ti lana a mabalin nga angkaten ti pagilian a Pilipinas.
