Nagprotesta dagiti Kristiano ti Damascus idiay Syria kalpasan a pinuuran dagiti saan pay a nabigbig a lallaki ti Christmas tree.
Iti maysa a video, makita dagiti lallaki a pinuuranda ti naka-display a Christmas tree iti ili ti Suqaylabiyah nga asideg ti siudad ti Hama a kaaduan ket Kristiano.
Ti panagprotestada ket mangkidkiddaw kadagiti nangaramid a madusa dagitoy.
Ti insidente ket napasamak kalpasan ti tallo a lawas sipud idi indauluan dagiti rebelde ti oposision ti naballigi a kampania a mangparmek ken ni Presidente Bashar al-Assad.
Dagiti Kristiano ti Syria ket nakikadua itan kadagiti adda iti teritorio ti Lebanon ken Palestine a mangselebrar iti Pascua iti tengnga ti dakkel a kinaawan ti sigurado ken buteng iti rehion.
Sumagmamano pay kadagiti agpoprotesta ket mangkidkiddaw iti nasayaat a panangsalaknib kadagiti Kristiano iti nasao a pagilian.
Iti sidong ni Assad, napalubosan dagiti Kristiano a mangrambak kadagiti piestada ken mangaramid kadagiti ritualda ngem kas kadagiti amin a taga-Siria ket naipasangoda iti limitasion iti wayawaya ti panagsao ken napolitikaan nga aktibidad.
