Impakaammo ni Department of Social Welfare and Development -Cordillera Regional Director Maria Catbagan-Aplaten nga agkurkurang ti bodega a mabalinda a pangikabilan kadagiti stockpile wenno reliefs iti nagduduma a probinsya ken munisipyo iti rehion.
Sigun kenni Aplaten, maysa daytoy kadagiti karit a sangsangwen iti nasao nga ahensya rason nga ikagkagumaanda iti agsarak iti lote a mabalin a pakaibangunan dagiti stockroom.
Impudno ti opisyal nga iti baet nga adu dagiti mangidiay-diaya iti lote ket kaadwan kadagitoy ti saan a pasado iti sursurutenda nga standard.
Innayonna nga adu dagiti food ken non-food items iti nasao nga ahensya ngem kurang ti pangikargaan.
Mainaig iti dayta, inlawlawag ni Novelyn Pocding,Social Welfare Officer II iti Disaster Response Manangement Division iti DSWD-Cordillera a ti maysa nga stockroom ket kasapulan a saan a mabasbasa, masapol nga accessible, ken adda iti natalged a disso.
Gapu iti dayta, kidkiddawen ti regional director ti tulong dagiti nagduduma a Local Government Units iti Rehion Cordillera.//Bombo Noveh Organo
