Inruar ti Benguet Provincial Veterinary Office dagiti listaan dagiti lugar a karaman iti red zone wenno banned areas gapu iti Avian Influenza.
Karaman ditoy ti La Trinidad, Benguet, dagiti tallo a lugar sadiay Kalinga, kas ti Tabuk City, Tanudan ken Pinukpuk.
Malaksid iti dayta, adda metlaeng dagiti lugar a karaman iti nasao a listaan kas ti sumagmamano a lugar sadiay Isabela partikular ti Cauayan ken Gamu, Nueva Ecija, Pampanga, sumagmamano a lugar sadiay Tarlac, Laguna ken dadduma pay.
Gapu iti dayta, nainget a maipawil ti agangkat kadagiti poultry products kadagitoy.
Naipawil daytoy kalpasan a saan pay a naideklara dagitoy kas AI-free wenno saan pay nga indeklara ti Bureau of Animal Industry (BAI) a mabalin a pagangkatan.
Inkari met ti Provincial Veterinary Office nga imentiner dagitoy dagiti listaan dagiti red zone para iti kinatalged ti publiko.
