BAGUIO CITY – Pimmusayen ti maysa a laborer a binagsol ti saan pay a nabigbig a suspek iti Baguio City Public Market iti rabii ti Enero 1. Nabigbig daytoy a ni Leo Asis de Vera, 34-anyos, naasawaan, laborer, ken residente ti Purok 2, Balsigan, Baguio City.
Iti resulta ti otopsiya nga insayangkat ni PSupt. Rodrigo Leal, naamuan a natamaan ti liver, small intestine ken ti pancreas ti biktima.
Maibasar iti report, iti nasao nga ladaw ket nag-iinom dagitoy iti dua pay a kakadwana iti Maharlika Building sakbayda a nagturong iti City Public Market tapno gumatang iti nateng.
Nupay kasta, iti kaadda dagitoy iti merkado publiko, partikular iti nagbaetan ti black market ken iti rice section ket killaat a binagsol daytoy ti saan nabigbig a lalaki.
Dagus a naiturong ti biktima iti pagagasan ngem pimmusay daytoy kabayatan nga agpapaimbag iti Intensive Care Unit ti Baguio General Hospital and Medical Center
