Pinuted ti maysa a lalaki idiay Austria ti bukodna a mabagbagi kasaruno iti nalabes a panagaramatna iti psychedelic mushrooms. Pinutedna daytoy babaen iti panagaramat iti wasay(axe).
Kasaruno dayta, ti lalaki ket nakita nga agkidkiddaw iti tulong ti maysa kadagiti kailyanna rason a naitaray metlaeng daytoy iti kaasitgan a pagagasan lima nga oras kalpasan ti nasao nga insidente.
Iti panagsukimat dagiti medical experts, ginandat ti lalaki a putiputan iti tela ti paset ti binalsigna a mabagbagina tapno malapdan ti panagdara daytoy bayat a nakontamina met ti naisina a paset ti mabagbagina nga inkargana iti garapon a naglaon iti niebe wenno snow.
Naisubli pay ti daduma a paset ti mabagbagi ti lalaki ngem sumagmamano kadgitoy ti saanen a balligi a naisubli.
Kalpasan ti panakaipasidong daytoy iti surgery ket naipaima iti kustodiya dagiti psychiatric professionals gapu iti panagsagrapna iti psychosis.
Kabayatanna, ti psychedelic mushrooms wenno magic mushrooms ket addaan iti naturally occuring compound a psilocybin a mabalin a makaipaay iti hallucination kadagiti indibidwal a mangaramat iti daytoy.
