--Ads--
BAGUIO CITY – Dumanonen iti dua ti pimmusay iti probinsia ti Benguet iti idadalapos ti bagyo nga Ulysses.
Kasaruno daytoy ti ipupusay ni Malner Palunan Damilo, 30-anyos ken residente ti Sebang, Buguias, Benguet idi kalman.
Naamuan nga as-asikasuen ti biktima ti luganna idi nagaburan daytoy iti nargaay a daga manipud iti ngatuen ti nagparadaanna.
Naiturong pay daytoy iti pagagasan ngem naideklara a dead on arrival.
Maipalagip a nailista sadiay Atok ti kaunaan a biktima ti panagdalapos ti bagyo nga Ulysses iti probinsia kalpasan a pimmusay ni Felix ‘Tinoy’ Boguite, 60-anyos, residente ti Talete, Busoc, Poblacion, Atok kalpasan a natupakan ti balayna iti adu a puon ti kawayan idi parbangon kalman.
