--Ads--
![](https://img.bomboradyo.com/baguio/2020/01/tublay-VTA.jpg)
BAGUIO CITY – Agpapaimbagen iti ospital ti maysa a lalaki kalpasan a naaksidente ti inmanehona a lugan sadiay Km 14, Brgy Caponga, Tublay, Benguet.
Nabigbig daytoy a ni Ronald Antio Tamang, 38-anyos, ken residente ti Tocmo, Itogon, Benguet.
Sigun iti Tublay Municipal Police Station, bayat a daldaliasaten ti biktima ti Halsema Highway ket nakatuglep daytoy.
Nagresulta daytoy iti pannakatnag ti lugan iti rangkis a mapattapatta nga addaan kauneg a 50 a metro.
Dagus a nagresponde dagiti otoridad ken naiturong ti lalaki iti Benguet General Hospital.
Nagsagrap daytoy iti dunor bayat a nadadael ti dadduma a paset ti luganna.