--Ads--
BAGUIO CITY – Naibalud ti maysa a lalaki kalpasan a nakemmeg daytoy iti buy-bust operation nga impatungpal ti La Trinidad Municipal Police Station sadiay Pico, La Trinidad, Benguet.
Nabigbig daytoy a ni Rolly Peralta, 33-anyos, naasawan ken residente ti Pico, La Trinidad.
Nakumpiskar manipud kenkuana ti dua a pakete a naglaon iti maatap a shabu, cellphone a naaramat iti transaksion ken ti buy-bust money.
Sigun iti pulisya, karaman ni Peralta iti drug watchlist dagitoy.
Sumangsango metten ni Peralta iti kaso a panaglabsing iti RA 9165 wenno ti Comprehensive Dangerous Drugs Act of 2002. (-with Bombo Brigitte Marcasi)
