Impila ni Manila 6th District Rep. Benny Abante ti libel complaints kontra kenni Lawyer Levi Baligod ken dagiti 18 a sigud a Marines gapu iti testimonya dagitoy a maatap a naakawat iti minal-maleta a kuarta.
Impila ni Abante ti reklamo iti Manila City Prosecutor’s Office idi Martes, June 9, 2026.
“Kung merong ebidensya bakit hindi niyo sabihin sa Ombudsman ‘yan? Why do they have to go to the media? Bakit kinakailangan mong sa Senado gagawin ‘yan?”
“The committee hearing in the Senate cannot actually pronounce them guilty. It’s just an investigation,” sigun kenni Abante.
Maipalagip nga idi Hunio 4, inaklon dagiti sigud a Marines a nakaawat ni Rep. Abante iti kuarta a naikabil iti maleta manipud iti sigun a bossda a ni Zaldy Co.
Ti nasao a kuarta ket nagtaud iti flood control kickback scheme.
Inakusaranda ni Abante iti Blue Ribbon Committee hearing nga indaulwan ti Senate bloc ni Sen. Alan Peter Cayetano.
Maipalagip a sumagmamano a personalidad ti nangipila metlaeng iti reklamo iti Department of Justice kontra kadagiti sigud a Marines gapu iti akosasyon dagitoy.
