BAGUIO CITY – Nakasaganan ti nagduduma a lokal a gobierno ditoy Rehiyon Cordillera para iti OPLAN: IWAS Paputok Campaign.
Sigun kenni Office of Civil Defense (OCD-CAR) Chief Operations Section and Information Officer Frankie Cortez, nabilin dagiti opisyales nga agbantay kadagiti masakupanda a lugar para iti aniaman a kita ti firework-related injuries ita nga holiday season.
Kinunana a nakasaganan dagiti lokal a gobierno nga agresponde no adda dagiti dakes a mapasamak.
Kabayatanna, imbinglay ni Cortez a dua a probinsiya iti Cordillera ti saan a nakarekord iti firework-related injuries a pakairamanan ti Apayao ken Ifugao idi napalabas a tawen.
Namnamaenda a babaen iti pannakaiparit ti panagaramat ti paputok ita nga holiday season ket awan ti mailista nga ania man a kita ti aksidente seknan iti palibang.
Mainaig iti daytoy, impalagip ni Cortez ti panangliklik iti mass gathering ita nga holiday season tapno maliklikan ti panagngato ti kaso ti COVID-19.
