BAGUIO CITY – Nabigbig dagiti lokal a gobyerno ti rehion Cordillera a top awardees iti 2018 National Competitiveness Index for 3rd to 6th Class Municipalities.
Nagun-od ti Lamut, Ifugao ti maikadua a pwesto bayat a nagun-od ti Bugias, Benguet ti maika-15 a pwesto ken nagun-od met ti Tublay, Benguet ti maika-17 a pwesto.
Nagun-od met ti La Trinidad, Benguet ti maika-18 a pwesto iti kategorya ti 1st and 2nd Class Municipalities Competitiveness Index.
Napadayawan met dagitoy iti naangay a 5th Cordillera Cities and Municipalities Competitiveness Index Recognition Ceremony.
Nabigbig pay ditoy dagiti lokal a gobyerno iti Cordillera a nakastrek iti Top 20 ti tunggal pillars wenno ti Economic Dynamism, Government Efficiency, Infrastructure ken Resiliency.
Maipalagip a ti Cities and Municipalities Competitiveness Index ket tinawen a panagrangko kadagiti siudad ken munisipyo ditoy pagilian a binukel ti National Competitiveness Council babaen iti Regional Competitiveness Committees iti tulong ti United States Agency for International Development.
