BAGUIO CITY – Maiyaw-awis ti maikadua nga aldaw ti pannakaipatungpal ti libre a COVID-19 swab testing ita nga aldaw, Nobiembre 6 iti Municipal Park ti La Trinidad, Benguet
Mangrugi ti nasao a testing iti alas otso ti agsapa aginggat alas kwatro ti malem.
Kasapulan laeng nga agala iti form iti Municipal Lobby, mangipakita ti valid ID ken agaramat iti Face Shield ken Face Mask.
Maipalagip a nailatangan iti 500 test kits ti nasao a munisipyo manipon iti expanded testing ti Bases Conversion Development Authority (BCDA)
Mainaig iti dayta, maipatungpal metlang ti kapada a free swab testing sadiay Itogon, Benguet a naipaayan iti 1,000 test kits ken Tuba, Benguet a 500 test kits.
Kagiddan iti dayta, naipalagip kadagiti maipasidong iti testing ti mandatory a panag self-isolate iti uneg ti tallo nga aldaw kabayatan ti pannakauray ti resulta ti swab test.
