Binutosan ti United Nations General Assembly ti pagilian a Bahrain, Colombia, Democratic Republic of the Congo, Latvia, ken Liberia kas kameng ti UN Security Council para iti dua a tawen a termino a mangrugi inton Enero 1, 2026.
Ti Security Council ti kakaisuna a United Nation body a makaaramid iti ligal a pangngeddeng a kas iti panangipakat kadagiti “sanctions” ken panangipalubos iti panagaramat iti puersa.
Addaan daytoy ti lima a permanente a veto-wielding a kameng: ti Britain, China, France, Russia ken ti Estados Unidos.
Dagiti nabati a sangapulo a miembro ket nabutosan, a tinawen a makikadua ti lima a baro a miembro.
Ti Bahrain, Colombia, DRC, Latvia, ken Liberia—a nabutosan amin iti uncontested slates—ti mangsukat iti Algeria, Sierra Leone, South Korea, Guyana ken Slovenia.
Ti Bahrain ket nakaawat ti 186 a butos, ti DRC ket 183 a butos, ti Liberia ket 181 a butos, ti Colombia ket 180 a butos ken ti Latvia ket 178 a butos.
Binutosan ti General Assembly idi laeng Lunes ni sigud a German foreign minister Annalena Baerbock kas president ti 193-member body para iti maika-80 a sesionna, a mangrugi inton Setiembre, iti agdama a tawen.
