Pinaglibakan ti maysa a Senior staff member manipud iti Tacloban-based office ni sigud a House Speaker Martin Romualdez dagiti alegasion a timmalawen ni Romualdez iti pagilian.
Sigun iti senior staff a saanen a nagpaam-ammo, agtaltalinaed nga adda iti Pilipinas ni Romualdez ken agtultuloy ti panangipatungpalna kadagiti trabahona iti kongreso iti baet a saan a nagparparang iti publiko.
Inlawlawag daytoy ti Senior staff, gapu iti agwarwaras a sayangguseng nga aglemlemmeng ni Romualdez wenno timmalawen iti pagilian.
Daytoy ket kasaruno ti pannaka-freez dagiti assets ti kongresista.
Sigun iti nasao nga staff, saan nga umikkat ni Romualdez ken addaanda iti komunikasyon.
Malaksid iti dayta, regular a mangipapaay ti kongresista iti instruction ken bambantayanna dagiti pakaseknan iti distrito daytoy.
Iti agdama, adda ti travel restrictions ni Romuladez kalpasan nga impaulog ti Sandiganbayan kas panagtumpal iti kiddaw ti Office of the Ombudsman.
