--Ads--
Kidkiddawen ti defense counsel ni sigud a President Rodrigo Duterte iti International Criminal Court (ICC) a limitaranda ti bilang dagiti biktima a makipartisipar iti trial kontra kenni Duterte.
Malaksid iti dayta, immunan metlaeng a kiniddaw ni Nicholas Kaufman ti lawyer ni Duterte a malimitaran dagiti amin a klase dagiti identification documents dagiti biktima a maakseptar no sadino national IDs wenno Philippine passports laeng ti mabalin.
Sigun kenkuana, dakkel a tulong daytoy tapno maliklikan dagiti pannakainayon dagiti saan a pudpudno a biktima ken dadduma pay.
Innayonna a no awan dagiti nadakamat nga IDs, mabalin nga akseptaren ti korte dagiti valid IDs a binigbig ti Social Security System.
