--Ads--
BAGUIO CITY – Manamnama a maipatungpal ti live drone show iti siudad ti Baguio inton December 25.
Sigun kenni City Tourism Officer Engr. Aloysius Mapalo, babaen iti daytoy ket saanen a kasapulan nga agturong dagiti umili sadiay Session Road.
Kinunana a napimpintas daytoy no idilig iti fireworks display.
Innayonna nga ikagumaanda nga ingato ti live drone show tapno mabuya dagiti amin nga umili iti siudad.
Sigun pay kenkuana, maisayangkat metlaeng ti countdown para iti panakapasangbay ti baro a tawen inton December 31 a magiddanan iti musical show ken fireworks display.
Linawlawaganna met a ti pondo a maaramat iti panakaisayangkat dagiti aktibidad inton December 25 ken December 31 ket manipud iti donasyon.
