BAGUIO CITY- Agtultuloy ti panagbotos dagiti local absentee voters iti Cordillera a nangrugi idi kalman Abril 27 ken agleppas inton Abril 29.
Iti panakiuman ti Bombo Radyo Baguio, dinakamat ni COMELEC Cordillera Spokesperson ken Assistant Regional Director Atty. Vanessa Roncal nga adda ti 1,203 a nagaplikar kas local absentee voter iti rehiyon malaksid iti Benguet.
Karaman ditoy dagiti uniformed personnel, media personnel ken daduma pay nga empleyado ti gobierno.
Kinunana a manual/mano-mano ti panagbotos dagiti nadakamat nga indibidual ken dagiti laeng nasyonal a posisyon ti mabalinda a botosan wenno ti presidente, bise-presidente, senador ken partylist.
Maikabil iti sealed envelope dagiti balota kalpasan ti panagbotosda ken maipatulod iti COMELEC para iti panakabilang dagitoy.
