BAGUIO CITY – Agbalballaag ti Land Transportation Franchising and Regulatory Board (LTFRB-Cordillera) kadagiti benipisaryo ti fuel subsidy programs kontra kadagiti scammers.
Iti pakdar ti ahensia, inyunay-unayda nga awan ti mabayadan iti validation dagiti dokumento ti Fuel Subsidy Cards dagitoy para iti Pantawid Pasada Program.
Para kadagiti validated ti dokumentoda ken agala iti cards, i-claimda laeng ti fuel subsidy cards dagitoy iti Landbank of the Philippines.
Mabalin nga iyuman ken ipatulod iti LTFRB-CAR ti reklamo kadagiti agsing-singir ti bayad wenno fees tapnu agpa-validate ti dokumento wenno dagiti agar-aramat ti nagan ti ahensia tapnu asingir.
Mabalin pay nga umawag iti numero nga 0950-582-8444 wenno mangipatulod ti mensahe iti official facebook page ti LTFRB.
