Nangiruar ti Land Transportation Office iti show cause order iti maysa a vlogger kalpasan ti panagsakayna iti motorsiklo a nakaaramat iti brief, crop top ken nag-“superman” iti kalsada sadiay Aklan.
Maibasar iti show cause order, ti inaramid ti vlogger ket reckless driving no sadino mabalin a mangitunda iti peligro kadagiti daduma a motorista.
Malaksid iti dayta, naduktalan pay ti Land Transportation Office a ti nasao a lalaki ket awanan iti valid driver’s license.
Inaklon ti vlogger nga awan ti lisensyana gapu ta tarigagayna a maparagsak ti publiko.
Gapu iti dayta, namulta ti vlogger iti P3-K ken posible a saanen a maikkan iti lisensya.
Kabayatanna, impeksa ti vlogger a ti inaramidna ket para iti “entertainment purpose” ken awan ti panggepna a mang-agrabyado iti daduma a tao.
