--Ads--
BAGUIO CITY – Nakasarak ti operating troops ti 24th Infantry Battalion (IB), Philippine Army ti maysa nga M14 rifle iti maysa a kallapaw sadiay Pacgued, Malibcong, Abra.
Sigun kenni 24th IB Commanding Officer Ulysis Lauded, nasarakan ti nasao nga armas kabayatan ti combat operation dagitoy.
Kinunana nga iti inisyal nga imbestigasyonda ket tagikua ti managan Rambo a maysa kadagiti napeklan a miembro ti New Peoples’ Army (NPA) sadiay Abra.
Innayonna a napateg ti panakarekober ti nasao nga armas gaputa daytoy ti nangkissay iti peggad ken pangta, saan laeng nga iti tropa ti gobyerno ngem ketdi, uray pay dagiti sibilyan iti nasao a lugar.
