BAGUIO CITY – Maminsan manen a linagip ti sigud a Mayor ti Baguio City a ni Atty. Mauricio Domogan dagiti nakaam-ames a pagteng a nagmarka iti pakasaritaan ti siudad ti Baguio idi July 16, 1990.
Iti pannkiyuman ti Bombo Radyo kenkuana, iti pasado 4:26, narikna ti 7.8 magnitude a gingined iti intero a Luzon.
Iti daydi nga aldaw, mailadawan ti saem ken panagladingit dagiti tatto gapu iti intunda ti gingined.
Kinuna pay ni Atty. Domogan, iti daydi nga aldaw simken ti buteng kadagiti amin nga umili gapu paylaeng iti 7.8 magnitude a gingined.
Iti baet daytoy, bimmangon ti siudad gapu iti natibker a determinasyon ken panagtitinnulong dagiti umili ti siudad.
Kinunana nga agserbi kuma a leksyon ken pagsarmingan dagiti nagbalin a kapadasan iti siudad idi July 16, 1990.
