--Ads--
BAGUIO CITY – Nagbalin a natalinaay ti demolision a naipatungpal sadiay Naguilian Road, Baguio City idi kalman.
Iti pannakipatang ti Bombo Radyo ken ni Punong Barangay Raul Caronongan ti MRR-Queen of Peace, Baguio City, kinunana nga awan ti komosion wenno argumento a timmaud kabayatan ti demolision.
Kinunana a nakappia ti pannakarakrak dagiti istruktura uray nagbalin nga emosional dagiti residente nga apektado.
Dinakamatna nga adda dagiti pamilia sadiay a napukawan iti negosio ken pagtaengan gapu iti pannakarakrak dagiti tagikuada nga istruktura.
Gapu iti daytoy, kinuna ti kapitan a kiddawenda ti tulong ti DSWD kadagiti naapektaran.
Innayonna pay nga awan ti pinansyal a tulong a maipaay ti barangay gapu ta awan ti pondo para iti daytoy.
