--Ads--
BAGUIO CITY – Nairikep ti Kennon Road kadagiti amin a kita ti lugan manipud iti alas singko idi malem kalman.
Kasaruno daytoy ti panakailista dagiti panagreggaay ti daga ken iti posible nga epekto ti bagyo nga Ambo.
Agpaut ti panakairikep ti Kennon Road iti trapiko agingga nga adda ti sumaruno a paka-ammo.
Nupay kasta, maipalubos ti panagdalyasat sadiay dagiti lugan dagiti residente iti deppaar ti kalsada ngem nainget a mabalbalakadan dagitoy iti panagannad kabayatan ti panagbiaheda iti nasao a kalsada.
Mabalbalakadan met dagiti motorista nga agturong iti Baguio ken dagiti sumalog manipud ditoy siudad iti panagaramatda iti Marcos Highway wenno iti Asin-Nangalisan-San Pascual-Rizal-Anduyan Road ken iti Naguilian Road.
