BAGUIO CITY- Umaw-awat paylaeng dagiti pagadalan iti siudad ti Baguio iti late enrollees para iti School Year 2025-2026.
Iti pannakiuman ti Bombo Radyo kenni Mr. Niño Tibangay, Chief Education Supervisor ti Department of Education Baguio, kinunana a maakomodar dagiti late enrollees manipud iti 3 PM onwards.
Inyunay-unayna a mabalin a sumrek dagiti late enrolless nga estudiante bayat nga ur-urayenda ti panaglukat ti 3 PM nga enrollment.
Kabayatanna, kinuna ni Tibangay temporaryo a mapalubusan a sumrek ti estudiante iti baet a kurang dagiti requirements dagitoy.
Iti sabali a bangir, impetteng ni Tibangay nga agtungpal dagitoy iti No Collection Policy ti enrollment.
Nupay kasta, mabalin nga agkolektar dagitoy iti fees ngem para laeng kadagiti dadduma nga voluntary organization kas iti scouting ken dadduma pay.
Mainaig iti dayta, impaganetget ni Tibangay a boluntaryo ti panagaramat iti uniporme kadagiti para parapubliko a pagadalan.//mp4
