Agraraira ita iti pagilian a Tanzania ti makapapatay a Marburg virus.
Daytoy ket kalpasan a kinumpirmar ni Tanzania President Samia Suluhu Hassan nga adda ti maysa a nailistada a kaso.
Sigun kenni World Health Organization (WHO) Director General Tedros Adhanom Ghebreyesus, kalpasan a naipasidong iti test iti Kabaile Mobile Laboratory idiay Kagera, nakumpirmar kenni Dar es Salaam, maysa a pasiente a naimpeksion ti Marburg virus.
Idi napalabas a lawas, pinaglibakan ti health minister ti Tanzania nga agraraira ti virus iti African country, ken kinunana nga awan ti uray maysa a nagpositibo iti viral infection.
Ti pananglibakna ket kasaruno ti naawat a report ti World Health Organization nga adda ti walo a pimmusay gapu iti maatap a kaso ti virus iti nasao a lugar idi Enero a otso.
Nagparang kadagiti biktima ti sintomas ti Marburg virus a pakairamanan ti headache, high fever, back pain, diarrhoea, vomiting blood, muscle weakness ken external bleeding.
Ti nasao a virus ket addaan iti fatality rate a kas kangato ti 88%, ken kapada ti Ebola, a maiyakar kadagiti tattao manipud kadagiti fruit bat nga “endemic” kadagiti paset ti East Africa.
