Silulukat ti Malacañang kadagiti singasing para iti pannakaamyendar ti Juvenile Justice and Welfare Act iti pagilian.
Daytoy ket kalpasan dagiti insidente ti kinaranggas a nakairamanan dagiti menor de edad, pakairamanan ti shooting incident iti maysa a pagadalan idiay Tacloban City.
Sigun kenni Palace Press Officer USec. Claire Castro, supottaran daytoy ni President Ferdinand Marcos Jr. dipende iti bersyon ken no nasayaat ti epekto daytoy kadagiti agtutubo.
Impetteng ni Castro a maysa kadagiti kitkitaenda a kinakurang ti Juvenile Justice and Welfare Act ket ti saan nga umdas a panangipatungpal ti intervention program para kadagiti ubbing a nairaman iti krimen.
Iti baet dayta, inlawlawag ni Castro a makitkitada ti adda iti panunut dagiti kameng ti PNP no sadino, “mulat” itan dagiti agtutubo no idilig idi.
Sigun kenni Castro, natured dagiti sumagmamano nga agtutubo nga agaramid ti krimen gaputa ammoda a saanda a makasoan.
Maipalagip nga inwaragawag ti PNP a suportadoda iti pannakaibaba ti edad ti criminal responsibility iti 12 manipud iti agdama a 15.//mp4
