Nagriri dagiti mammanday-linteg ti Taiwan ken nagbinnasada iti danum bayat nga ikagkagumaan ti partido ni Presidente Lai Ching-te a lapdan ti pannakaipasa dagiti gakat nga ibagbagada a mabalin a mangdangran iti “democratic system” ti self-ruled island.
Kaaduan a mammanday-linteg manipud iti Democratic Progressive Party ni Lai ti nangsakup iti podium ti kangrunaan a kamara ti parlamento sipud pay idi rabii ti Huebes ken nagbarikada iti uneg — a nagtumpok kadagiti tugaw tapno malapdan dagiti pagserkan.
Pinadas ti Democratic Progressive Party a pasardengen ti tallo a ligal a pannakabalbaliw nga insingasing ti oposision.
Nagpukkaw ti sumagmamano a mamanday-linteg ti Progressive Party tapno babalawen ti partido ti oposision a Kuomintang (KMT) ken ti kaalyadona a Taiwan People’s Party (TPP) gapu iti panangpadasda a mangipasa kadagiti gakat babaen ti kadagiti kakaduada.
Karaman kadagiti nagsusupiatanda a gakat ket ti panggepda a pannakabalbaliw ti Public Officials Election and Recall Act tapno maipangato ti threshold para iti pannakaikkat dagiti nabutosan nga opisial.
Ngem saan a kayat dagiti dadduma a mammanday-linteg gaputa patienda a mangikkat daytoy ti karbengan dagiti botante ken mangikkat kadagiti saan a maikari nga opisial.
Iti ruar ti parlamento idi kalman, ginasgasut a tattao ti nagkaykaysa a naprotesta kontra iti gakat ken adu ti nagpukkaw nga idepensada ti Taiwan.
