--Ads--
Agsubli manen ni sigud a senador ken 8-division world champion Manny “Pacman” Pacquiao iti uneg ti “ring” para iti “exhibition match” iti umuna a gundaway manipod 2022.
Makabalubal ni Pacquiao ti Japanese kickboxer ken Mixed Martial Arts (MMA) champion Chihiro Suzuki inton Hunio 28 iti Super Rizin 3 fight card.
Maisayangkat ti laban iti Super Saitama Arena idiay Saitama, Japan.
Opisial a napablaak daytoy itay nabiit bayat ti Rizin 47 MMA fight card a naipatungpal iti Yoyogi National Stadium idiay Shibuya, Japan.
Maipalagip a nagretiro ni Pacquiao kas maysa a professional boxer idi August 2021 ngem inawatna ti nasao nga imbitasion itay laeng nabiit.
