BAGUIO CITY – Natakawan iti sumagmamano a tagilako ti maysa a grocerya sadiay Tili, Shilan, La Trindiad, Benguet.
Nabigbig ti agtagikua iti pagtagilakuan a ni Rasa Tanacio Paeng, 39-anyos, naasawaan, negosyante ken residente ti nasao a luga bayat a dagiti suspek ket nabigbig a da Mark Atelo Fernandez 18-anyos, baro, awanan trabaho ken ni Jenevive Guzman 19-anyos , balasang, vendor, agpada a tubo ti Pangasinan ken residente ditoy Baguio City.
Maibasar iti imbestigasion, intaray dagiti suspek ti botelya ti kape nga agatad iti P350, maysa a supot ti gatas nga aggatad iti P385, suka nga aggatad iti P300 ken tallo a klase ti arak nga agatad iti P5,250.
Kinamat ti agtagikua iti grocerya dagiti suspek a nagresulta iti panakakemmeg dagiti suspek ken naiturong dagitoy iti estasion ti pulisya.
