Nalinis itan ti nagan ni sigud a Senador Leila de Lima kalpasan a naikkat ti kaso nga adda pakainaiganna ti iligal a droga kontra kenkuana.
Kasaruno ti panangipaay ti Muntinlupa court ita nga aldaw ti demurrer to evidence, nu sadinno, naikkat ti maikatlo ken maudi a kasona iti droga.
Sigun kenni Atty. Boni Tacardon, legal counsel ni De Lima, napaboran ti kiddaw dagitoy kalpasan ti pito a tawen.
Maipalagip a nangipila ni De Lima idi Marso ti “demurrer” nu sadinno, kiniddawda iti korte a maabsuelto ken maideklara a saan a nagbasol daytoy gaputa saan a mapaneknekan dagiti “prosecutors” a paneknekan a nagbasol daytoy nga awan ti panagduadua.
Ni De Lima ket napalubusan iti panagpiansana idi Nobiembre 2023 kalpasan a naibalud idiay Camp Crame manipod idi Pebrero 2017 gapu iti iligal a droga.
Ti umuna a pannaka-absueltona ket idi Pebrero 2021 idiay Muntinlupa City RTC-Branch 205 nu sadinno naibasura ti tallo a kasona.
Idi Mayo 2023, inabsuelto ti Muntinlupa RTC Branch 204 ni De Lima ken Ronnie Dayan, ti sigud a boyguard daytoy, gapu paylaeng iti iligal a droga.
