Impakaammo ni PBGen Randulf T. Tuaño, Chief of the Public Information Office ti Philippine National Police a nainget ti pammilin ni Philippine National Police General Jose Melencio C. Nartatez, Jr. kadagiti kapulisan iti panangipatungpalda iti maximum tolerance para kadagiti mangisaysayangakat iti protesta idiay Senado.
Maipalagip a nangrugi iti iseserrek ni Senator Bato Dela Rosa iti senado, nagturong met dagiti Duterte suporters tapno ipakitada ti suportada iti nasao a senador no sadinno naaddaan ti bassit a tensyon iti nagbaetanda ken kadagiti pulisya.
Idi metlaeng kalman, nanayunan pay dagiti nangisayangkat kadagiti protesta pakairamanan dagiti BBM supporters ken dadduma pay a grupo.
Impetteng pay ni PBGen Randulf Tuaño a nakasagana dagiti kapulisan para iti crowd control nu kasbilang manaynayunan pay dagiti makipaset iti protesta idiay senado.
Immunan nga imbinglay ni Police Brigadier General Glenn Oliver Cinco, agtultuloy latta ti panagbantayda iti sango ti senado ken panangipatungpalda iti maximum tolerance kabayatan iti protesta tapno maliklikan ti anyaman a gulo ken tapno maasistaranda ti gunday ti trapiko sadiay. //bombokaren.c.s
