--Ads--
BAGUIO CITY – Imbinglay ni Baguio City Mayor Benjamin Magalong dagiti nagbalin a kapadasanna kabayatan ti panakaipasidongna iti home isolation.
Inaklonna a nakapasar ti secondary infections kas ti rhinitis, migraine ken sinus a nagresulta iti panakaapektar ti panagsao-na.
Nupay kasta, kinunana a pinagbalinna a karit daytoy rason a timmibker ti pakinakemna nga umimbag.
Inayonna a kabayatan ti panagsagabana iti COVID-19 ket naadalna ti panagannad ken panangsalwad iti bukkod a bagi.
Malaksid iti dayta, kinunana a pinilina home care isolation rason ti panakaipasidongna iti x-ray ken CT- scan.
Iti agdama ket natalgedden ti kasasaad ti Mayor ken nagsubli metten iti trabahona idi pay napalabas a lawas.
