Natiliw manen dagiti pulis ti National Capital Region Police Office ken Intelligence Service of the Armed Forces of the Philippines ti maysa a balud a nakalibas manipod Baguio City military stockade idi Hulio 22, iti agdama a tawen.
Sigun kenni Bureau of Corrections Director General Gregorio Catapang Jr., ti nakalibas ket natiliw idiay Barangay Pio del Pilar, Makati City idi Biernes ken nabigbig nga agtawen ti tallo pulo.
Nadukatalan ti korte ti Marikina a ti nakalibas ket “guilty” wenno nagbasol iti kasona a “homicide” ken nasentensiaan daytoy ti walo agingga sangapulo ket uppat a pannakaibalud.
Ngem walo a tawen, lima a bulan, ken 13 nga aldaw ti sentensia ti nakalibas.
Gapu iti dayta, pinakdaaran ni Catapang dagiti Person Deprived of Liberty maibusor iti panangpadasda nga aglibas, gaputa saan a maliklikan ti pannakatiliw manen, ket daytoy ti posible pay a mangpaatiddog iti pannakaibaludda.
