![](https://img.bomboradyo.com/baguio/2022/05/280125834_521005102823622_784626081793989794_n.jpg)
BAGUIO CITY- Nakemmeg ti maysa a carnapper babaen iti hot pursuit operation nga impatungpal dagiti otoridad sadiay Ifugao idi Mayo 11.
Nabigbig ti suspek a ni Axcel Loyd Isla y Asuncion, 18-anyos, estudyante ken residente ti Brgy. Talaca, Agbannawag, Tabuk City, Kalinga.
Maibasar iti imbestigasyon, inreport ti biktima iti Alfonso Lista Municipal Police Station ti mapukpukaw a motorsiklo daytoy nga imparada iti simbaan tapno dumar-ay ti meeting.
Nupay kasta, idi paawid koma ti biktima ket ditoy a naduktalanna a mapukpukaw ti motorsiklona rason nga inreportna kadagiti otoridad.
Dagus met a nangipatungpal dagiti otoridad ti hot pursuit operation ken anti-criminality checkpoint a nangitunda iti panakatiliw ti suspek.
Naiturong ti suspek iti Alfonso Lista Municipal Police Station para iti dokumentasyon ken pannakaipila ti kaso a panaglabsing iti RA 10883 wenno ti “New Anti-Carnapping Act of 2016” kontra kenkuana.