--Ads--
Nagun-od ti maysa a fan ni Madonna ti Guiness World Record a “Most Tattoos of the same musician on the body-female category” kalpasan a nagpatattoo daytoy iti 18 a ladawan ti nasao a singer iti bagi daytoy.
Naartapan ni Tara Topeka ti nakaiggem iti world record a ni Nikki Patterson nga addaan ti 15 a tattoos ni rapper Eminem.
Sigun kenni Topeka, immuna nagpatattoo daytoy idi tawen 2016 para iti panggepna a makasali iti music video ni Madonna ngem saan daytoy a nagballigi.
Nupay kasta iti panakakita ni Topeka iti Guiness World Record ket nagbalin a panggepna a magun-od ti nasao a titulo.
