Nakemmeg dagiti otoridad ti finance officer ti Zun Yuan Technology Inc., a sigud nga agop-operate iti na-raid a Philippine Offshore Gaming Operator idiay Bamban, Tarlac.
Binigbig ti Presidential Anti-Organized Crime Commission ti suspek a ni Pan Meishu, maysa a Chinese citizen a sumango iti reklamo nga adda pakainaiganna iti mapapati a human trafficking ken panaglabsing iti linteg ti immigration.
Nangipatungpal ti search warrant dagiti otoridad iti Zun Yuan Technology kalpasan a nakaawat dagiti otoridad ti report a human trafficking ken nagduduma nga aktibidad a kas ti online scamming.
Nupay kasta, saanda a nabirukan ni Pan iti uneg ti nasao a pasdek idi nangipatungpal ti panagsapul iti Baofu Compound idi Marso.
Nakumpiskar ti dua a lugan a nakarehistro iti sidong ti nagan ni Pan iti luxury villa area.
