Napasamak ti maysa a vehicular traffic accident idiay Muñoz drive, Km3, Asin Road, Baguio city idi laeng rabii.
Nakairamanan daytoy ti maysa a motorsiklo nga imanmaneho ti bente otso anyos a lalaki, a residente idiay San Luis Extension, San Luis Village, Baguio City.
Maibasar iti imbestigasyon, pasang-at ti motorsiklo iti Quirino Highway ngem idi nakadanun daytoy iti lugar a nakapasamakan ti insidente ket naidungpar daytoy ti maysa a close van a nakaparada iti igid ti kalsada.
Naawanan met iti puot ti motorcycle rider ken nadangran ti ulo na ken dadduma pay a paset ti bagi daytoy.
Malaksid iti dayta, nadadael ti paset ti motorsiklo kasta metten ti close van nga awanan pay ti gatad ti danyos iti agdama.
Dagus met a naitaray ti rider iti pagagasan babaen kadagiti nagresponde a kameng ti City Disaster and Risk Reduction Management Office emergency.
