Madanagan ti pamilya ti maysa a manursuro a Pilipino a mangmangged idiay Mandalay, Thailand gaputa awan ti damag a dimmanon kadakuada sipud idi Marso baente otso idi napasamak ti 7.7 magnitude a gingined a nagdayyeg iti sentro ti Mandalay ken Sagaing region, a narikna metlaeng idiay Thailand, China ken India.
Nabigbig ti lalaki a Pilipino a ni Barren M. Barcelo, agtawen ti baente siete, mangmangged iti HCIS High School idiay Mandalay City.
Iti maysa a report idiay Thailand, ti pagnanaedanna ket iti Sky Villa Condominium idiay Mandalay, a nag-collapse idi napasamak ti gingined.
Ti kuarto daytoy ket masarakan iti maika-innem a kaadsaaran ti Building D.
Maipalagip a ti Sky Villa Condominium idiay Thailand ti maysa kadagiti nakaro a nadadael gapu iti gingined.
Iti agdama, awan pay ti komento ti embahada ti Pilipinas idiay Thailand seknan iti nasao a banag.
