Pimmusay ti agtawen iti 35 a Pilipino kalpasan a dinungpar daytoy ti taxi sadiay Tsuen Wan West, Hongkong idi August 04, 2025.
Kinumpirmar daytoy ti Philippine Consulate General itay agsapa.
Maimatangan iti naala a video a kellaat a nag-crash ti taxi a nangitunda iti panakadungpar ti Pilipino a paruar iti hotel.
Sigun kadagiti media sadiay, mapapati a ti 80-anyos a taxi driver ket nakarikna iti panakaulaw rason a saanna a nakontrol ti lugan daytoy.
Gapu iti dayta, addan ti nasao a taxi driver iti kustidiya dagiti pulis, bayat a ti bangkay ti biktima ket adda iti Kwai Chung Public Mortuary.
Kabayatanna, nangipaay metten ti Philippine Consulate General iti tulong kadagiti pamilysa ken makikikoordinar dagitoy iti local nga otoridad para iti imbestigasyon iti nasao nga insidente.
Manamnama met nga agturong ti pamilya ti biktima sadiay Hongkong para iti panakarepatriate ti nasao a bangkay.
Kagiddan dayta, nakipagladingit met ti Consulate General kadagiti pamilya ti biktima.
