BAGUIO CITY- Pimmusay ti maysa a pulis kalpasan nga aksidente a pimmutok ti natnag ken naipaima kenkuana a paltog idi Marso 20, 2022 sadiay Zone 5, Bangued, Zone 5, Bangued, Abra.
Maibasar iti report ti Bangued Municipal Police Station, naiyuman kadagitoy ti insidente iti agarup 7:15 ti agsapa iti nadakamat nga aldaw.
Nabigbig ti biktima a ni Patrolman Nehemaia Bang-ngo Ballatong, agtawen iti 27, awanan asawa, tubo ti Payawan Lamut, Ifugao ken agdama a nakadestino iti 2nd Provincial Mobile Force Battalion PNP Abra.
Maibasar pay iti report, agarup 6:45 ti agsapa nga inyawag ni Patrolman Jestony Mabbin Guinobang iti Bangued MPS a nasarakanna ti biktima iti ayan iti uneg iti CR nga awanan iti biag.
Nailanad pay iti report nga intugot ti biktima ti paltogna iti agarup 6:00 ti agsapa idi nagturong daytoy iti comfort room ken ditoy a maatap a naaksidente a natinnag ken pimmutok ti paltog.
Naamoan a natamaan ti ulo ti biktima a nangitunda iti dagus nga ipupusay daytoy. cd
