Inserra ti Department of Migrant Workers (DMW) ti maysa a recruitment agency sadiay Manila gapu iti mapapati nga illegal recruitment ken panaglabsing iti accommodation regulations.
Sigun iti Super Red Manpower Services, agarup 10 nga aplikante ti adda iti “housing” bayat a maipoproseso ti pannakaiparehistro ti pasilidad.
Nupay kasta, kinuna ni DMW Secretary Hans Leo Cacdac a saan a maipalubos daytoy.
Kinuna ti nasao nga ahensia a manarimaan ti imbestigasionda para iti posible nga illegal recruitment.
Sigun gamin kadagiti sumagmamano nga aplikante para iti household work idiay Saudi Arabia, narekrut dagitoy babaen ti unregistered recruiters ti maysa a social media.
Dinakamat ni Cacdac nga agtatrabahon ti Department of Migrant Workers tapno mapapigsa pay ti panagreggetda iti inspeksion.
