Nagbalin a wagas ti social media para kenni Jofel Carl Licyayo wenno pagaammo kas “Hyperjofel” tapno itandudona ti nabaknang a kultura ti rehiyon Cordillera.
Iti panakiuman ti Bombo Radyo kenni Licyayo, kinunana nga awan ti naimatanganna nga agus-usar ti bahag, rason no apay nga impadasna daytoy.
Sigun kenni Licyayo, panggepna a mas ital-o ken itandudo ti kultura ti Cordillera tapno adda a mas makita ken maamoan daytoy ti entiro a pagilian kasta met iti sangalubongan nangruna ket sabali ti pagaammo dagiti daduma a tattao kadagiti Igorot kas iti panakaadda ti ipos, pandak, kulot ti bo-okda ken daduma pay.
Ti panagbahagna kadagiti contentsna iti social media ket pamananeknek a dagiti Igorots ket adda a competitive ken saan kuma a basaran ti panagbalin kas Igorot tapno saan a sumrek iti industriya ti vlogging.
Iti panag-vlog ni Licyayo, saan met a maliklikan ti panakaadda ti bashers no pay kasta paset dayta ti digital era.
Kangrunaan a mangmangegan ken mabasbasa ni Licyayo iti vlog daytoy ket ti panagbalin dagiti Igorot nga “uncivilized” ken “uneducated.”
No pay kasta, kasapulan laeng ti panag-awat ken panagdedma kadagitoy gapu ta adda a saanda pay nga ammo ti kinasiasino talaga dagiti Igorot.
Kabayatanna, iti panagbalin kas vlogger, impeksa ni Licyayo a kasapulan ti panangikat iti bain nagruna kadagiti Igorot ken ti panangipanakkel a maysa daytoy nga Igorot.//Mira
