TUBA, BENGUET- Nakemmeg ti maysa nga indibidual bayat iti naisayangkat a buy bust operation idiay Tadiangan Tuba, Benguet.
Nagresulta ti nasao nga operasyon iti pannakumpiskar ti maysa a hotsealed transparent plastic sachet a naglaon iti crystalline substance nga aggatad iti P2,000, dua a pidaso ti P1000 boodle money, ken dadduma pay nga ebidensya.
Naballigi daytoy babaen iti panangidaulo dagiti otoridad manipud iti Philippine Drug Enforcement Agency Cordillera (PDEA-CAR), Benguet Police Provincial Office Provincial Drug Enforcement Unit (PDEU), Tuba Municipal Police Station ken dadduma pay a yunit iti Benguet.
Iti agdama, sumangsango ti suspek iti kaso gapu iti panaglabsingna iti Republic Act 9165 wenno Comprehensive Dangerous Drugs Act of 2002.
